شب چله / روستای تپه دیبی

شب چله در روستای تپه دیبی / رزن

چیلله گیجه سینه قانشارا گیده ک بیزیک کندیمیزده ده چیلله گیجه سین بیر بیرام کیمین ساییب و گیچمیش ایللرده مخصوص دبلری واریدی. ایلین اوزون گیجه سی دده بابالارین قدیم اینانلاریندان بیر ایزدیر بیزه قالیبدیر. اولارین اینانلاریندا ایشیق و ایستی خییر و قارانقلیخ و سووخ شر سایلاردی. بو مثل " گیجه شرری" ایله اوردان قالیب. قیشدان چیخماق اونلار سخت ایش سایلیب و ظولمتیمیش. چیلله گئجه‌سی ایلین اوزون گیجه سی و قیشین بیراینجی گیجه سیدیر. قیشین اول ۶۰ گونو ایککی یره بولونوب. ۴۰ گون بویوک چیلله و ۲۰ گون کوچوک چیلله دیر. ایلین آخیر آیی دا ۶ دنه بش گونه بولونر. اهمن، بهمن، اشه، پیشه، قری و قورو. قیشین اول آیی تورک تقویمنده ده قبس آیی آدلانیر که بیزیم بویوکلریمیز بو ادینان تانیشدیلار. چیلله نین قارپیزی بیزیم کنده ده آدلیمدیر. بو گیجه قدیم زامانلار نقیل دیمک، یمیش یمک جماعاتین ایشیدیر. کندیمیز سووخ بیر اقیلمده قرار دوتوب. بونا گوره سووخ و اونا نسبت آدلاردان خلق ادبیاتینده چوخدور. قار، قیروو، سولو قار، آلا چیرپو، قوش باشی، گیچی قیران، دولو، زمهر، قارباشی یین، … او کلمه لردن دیر که منیم ذهنیمه چاتیر. قیشا گوره ده مثللر دیلیمیزده دوزلیب: قیش گیدر ئوزو قارالیق ذغالا قالار مردم قیش گلمه میشدن قاباق ئوزلرین حاضیر ایلرلر. تورشو، خیار شور، شیره، مویز، قوردملار (سبزی، سوغان، گوجه،..) پاییزدا حاضیر اولار. کیشی لرده قاب پاجانی حاضیر ایلرلر. چولده اولان حاصیلاتی کنده گتیریب و دام داشلاری سوارلار. ایندی ایزوگام بیر آز بو ایشلری آزالدیب. بعضی لر چیلله ده گلین گیدن قیزلارینا یادا آداخلی گلینلرینه چیلله پایی آپارالار. مردمون بیر تقویمیده وار کی فصیل لری ۱۰ دنه ۹ گونه بولرلر. هر ۹ گونده طبیعت عوض له نیر. قیشین ۳۶ گونو برک سووخ گون حسابا گلر. قیشین ۴۵ اینده یره گیزلین نفس و ۵۴ گونونده دیرلر آشکار نفس گلیر. قیشین یمک لریده دگیشیلیر. آش پیشیرمک چوخ گورونر. ایران آشی، اوماج آشی کندین آدلیم اشلارینداندیر. یرآلما دویمه سی، چغندر دوندرمه سی، کدو قیشدا چوخ گورونر. بوردا رحمتلیک شهریارا بیر فاتحه گونده ریب و اونون حیدربابا شیعر لرندن قیشا مربوط ایککی بندین گتیریرم: قاری نه نه گیجه ناغیل دینده کولک قالخیب قاب پاجانی دوینده قورد گیچینین شنگیله سین یینده من قایدیب بیرده اوشاق اولایدیم بیر گل آچیب اوندان سورا سولایدیم قیش گیجه سی طوله لرین اتاقی کندلی لرین اوتراقی یاتاقی بخاریدا یانار اوتون یاناقی شبچره سی گیرده کانی ایده سی کنده باسار گولوب دانیشماق سسی قیش گونلریز خییره گلسین

مطالب مرتبط

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *