روستای آتش بیگ / هشترود / آذربایجان شرقی

تصویری بسیار زیبا از روستای آتش بیگ / هشترود / آذربایجان شرقی

اولکه میزین عکیزلری

بیر عکیز چَکه جَم من اولکه میزدن

هم قیشی گورسنه همده پاییزی

هم یایی هم یازی همده یارپیزی

هم بستان ایچینده قوهون قارپیزی

***** 

بیر عکیز چَکه جم من اولکه میزدن

بویوک دوش هاچای نن قول قولا وره

دوشینده کهلیک لر بِجَرده فَره

قزلار دوشلریننن درسینلر تره

***** 

بیر عکیز چَکه جَم من اولکه میزدن

ایچینده هم سولی هم گدیک اولا

بولاخلاری آخا گوزَه لَرینه

هم قووزِی هم گوونِی، یادگار قالا

***** 

بیر عکیز چَکه جَم من باهاریندان

قارلاری اَریده نوچادان آخا

سویخدان کیرییَن قوشلار سووینَه

باهاری سووَنلر گوللَره باخا

***** 

بیر عکیز چَکه جَم قرانقووسیننان

بالیخلار ایچینده اووزه بیلسینلر

اَرخلر دولی اولسین باغلار گووَرسین

گوللری چمنی اووزَه گولسینلر

***** 

بیر عکیز چَکه جَم بولاغ لاریندان

دولسینلار سنَک لر سَرین سووینان

چمنلر گووَرسین گوللر آچیلسن

یِکَلسین اوشاقلار آنا نازینان

***** 

بیر عکیز چَکه جَم مِشه لریندن

ساچاق کیمین یایلانا داغ داشینا

چایلاری قاش اولا مِشه لرینه

یِللر داراخ ویرا یاشیل ساچینا

***** 

بیر اولکه چَکه جَم سنگری اولا

ایگیدلری اوردا وِرَه قول قولا

قویمیا دوشمنی اوردان یول سالا

دشمنلر قورخیدان سارالیب سولا

***** 

بیرعکیز چَکه جَم گِجه لریندن

ایشق سالا آیی دَره تَپییهَ

اَل اَلهَ وِرَه لَر دان اولدوزلاری

یولی گورسَده لر قوچاق نبیَه

***** 

بیر عکیز چَکه جَم من اولکه میزدن

آق یل اَسه چمن لری لای لادا

بیلمِیَنَه چوخ سوزلری آنلادا

یاتانلاری یوخلاماقدان اویادا

***** 

بیرعکیز چَکه جَم آنالاریندان

بِجَردمیش اولکمده سارالاریندان

لالایا بَنزِییَن یاناقلاریندان

سینه ده گوولِیَن آرزولاریندان

***** 

چَکه جَم اولکمی گوز گیله سینده

آرزیلار صف چکه سیلسیله سینده

سیندیرام دنیانین دار قفسینده

یوردیمی قلبیمده جاندا چَکه جَم

***** 

بیر عکیزچَکه جَم داغلار، دوماندا

قیرقی سِرچه لری گووده قوواندا

یاغیش یاغا داغ داشلاری یوواندا

آشیب داشان سیلین اوندا چَکه جَم

***** 

آتالار زحمتین باردا چَکه جَم

آنالار لای لایین تاردا چَکه جَم

قرانلیق یوللارین نوردا چَکه جَم

بیلمم آیریلیقی هاردا چَکه جَم؟

بیلمم آیریلیقی هاردا چَکه جَم؟

***** 

با احترام فتاح عزتی آتش بیگ

منبع:
atashbig.blogfa.com/

مطالب مرتبط

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *