صـواحی گسفن همرا شـونه چپون / شعر مازندرانی

صـواحی گسفن همرا شـونه ، چپون / شعر مازندرانی

چپون …


صـواحی گسفن همرا شـونه ، چپون

گـد کـده کـــوره بــالا شــونه ، چپون


هـــوا ســـرده بچـــاهی تـن هـداهه

دپیت وشال و کـــلا شـــونه ، چپون


دیــاره اسبـه سارخ دسه چــــو تـن

دوسی نــون و پــلا شـــونه ، چپون


چمــر بیته ملـــه چپـــــونه ونگـه

ای دیمـه کـوه و صحرا شونه ، چپون


وره ره نـــاز دنـــه شه کشه دارنــه

قـــدم رج زنـده ، ها ها شـونه چپون


نمـــاز خـــونه وه اون راسی تیناری

قبله ور ، دس به دعا شــونه ، چپون


خسه بیه ، تـو بیته ، تـن نخـــــاره

لب لبی دسه چــو جا شـونه ، چپون


للـه زنده چپـــــــون اشدونده  ویشه

گلـی مس و نفس جا شـــونه ، چپون


نماشــونه ، بمـــو چپـــــون دیــاره

خسه بیه ، ای فـــردا شــونه ، چپون


دس و لینگه یــــواش ای کشنه دس

درازه روزه وه را شــــــــونه چپــون


همش تن خسوهه چش مسه خـوهه

صواحـی ونگه طـلا شــــــونه چپون


طاهـری شعــر بساز ، چپونــه درده

بدونن دیمه صحــرا شــونه  ، چپون


***

میر حمزه طاهری هریکنده ای نوپا

منبع:

www.harikandeh.blogsky.com/

مطالب مرتبط

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *