ویشگون – بابل – مازندران
**********
شعر زیر سروده آقای عیسی رستمی،تقدیم به وبلاک احمدادبی تبارفیروزجایی
بنه پی تِه جانِ هوایِ قِربون تِه جان ویشگون سرسبزی و صفای قِربون
تِه آسِمون اِسبه مِیای قِربون تِه دَمِه ووارِش ووای قِربون
تِه گِلیرون وشِیخ موسی قِربون تِه گَلیا وتِه پِریجای قِربون
تِه گالِشون هاهای قِربون تِه گوهونِ وَنگ ووای قِربون
تِه ماس سَر وگِرماس پلای قِربون تِه شِکمه وگوشت وتِفای قِربون
تِه گالِشونِ جونِکای قِربون وِنِه اون چِمِر وصدای قِربون
تِه شالیزارِ زَزِگ طلای قِربون تِه نِفار بومِ کَمِل کُفای قِربون
تِه کشاورزِبیل و.فِکای قِربون وِنِه اون ملک ولَته ولِتکای قِربون
تِه نفارِسروصدای قِربون تِه شوپه وهَی وهویای قِربون
تِه کَل به کَلی خِنه وپلوِر وهِلای قِربون تِه گالِشون وچپونونِ گوگ ووَره های قِربون
تِه سَگ لوئه یِ منزلهای قِربون تِه شالِ زوز ِ نِصفه شبهای قِربون
تِه سِجروی راسِ راهِ قِربون تِه آیِش وگَد اویای قِربون
تِه کَمِل دِلِه زیک وایای قِربون تِه سیاه پل ووِرگ وشوکای قِربون
تِه اشکه وخال وخوشای قِربون تِه ممرز ومِرس وتِسکای قِربون
تِه طایفه پریجایی قِربون من همه تای قِربون
ادبون وعرِب وگیلا شال تبار و لبون و فتح تبار قِربون
