رازلیق – سراب – آذربایجان شرقی
آنا یوردی آتا یوردی اصیلدورائیل لرون رازلیق / دوز انسانلار بجردوبسن واراولسون اللرون رازلیق
شرفلی تپراقون قیمتلدور هر لعل و گوهردن / صفالی اولکه سن دوشمز آدون بیر لحظه دیللردن
ائوون آباد اولور دائم ،وفالی دوز گون ائیللردن / صداقت ملکی سن ،اهل وفادور مشترون رازلیق
عجب گنجینه لر پنهان ائدوبسن هر بوجاقونده / دِیولّر آتش غیرت ، اولدن وار اوجاقونده
ویروب سوت بسلیوبسن قهرمانلار ئوز قوجاقونده / داغلمش هر دیاره خوش باخیش آهولرون رازلیق
اولور آزاده مرد هر کیم سنون سینونده بسلن سه / محبتلر گلر جوشه ، گوزل ائیلّر هوسلن سه
دوشر داغ داشوه مین سس ، بیر اوغلون سنده سسلنسه / واروندی ساخلا مینلرجه ، گول ئوزلی یاورون رازلیق آذربایجانه فخر ایله گلون وار ،گلستانون وار / صفالی باغچا باغلاردا ، سنون چوخ نغمه خوانون وار
