روستای قلتوق / زنجان / زنجان
باشینا دوندیگیم گل اوزلی صونا!
عمریمین ایلک چاغی یادیما دوشدی
شاعرلر وطنی، بیزیم طرفلر
طرلانین اویلاغی یادیما دوشدی
اوخویون قلبیمی داستان ایچینده
اورک دوگونمزمی آستان ایچینده؟
پاییزین فصلنده، بوستان ایچینده؟
شامامانین تاغی یادیما دوشدی
توکولدی کاغذه سینه مین سوزی
او آنا یوردومون اوجاغی، گوزی
جیرانین دوروشو، دورنانین گوزی
ککلیگین آیاغی یادیما دوشدی
هانی آت سوردیگیم بوراندا، قاردا
گزدیم عاشق کیمی مین بیر دیاردا
گولوب اوینادیغیم طویدا، ماغاردا
قیزلارین قولباغی یادیما دوشدی
گوگلره باش چکیر گویه زن داغی
آخشام آچیق اولور آیین قاباغی
بیزیم گلینلرین بایرام قاباغی
فسه لی یایماغی یادیما دوشدی
سن بیزیم ائللرین روحینا بیرباخ!
بیزدن اینجیمه میشن بیر عزیز قوناق
نشانلی قیزلارین گوروشدن قاباق
تئلینی سایماغی یادیما دوشدی
وورغونون خیالی گزدی آرانی
گوزومده اوینادی داغین بورانی
قیشین بوز قاتیغی، یایین آیرانی
پاییزین قایماغی یادیما دوشدی
باتشکرازمدیریت وبلاگ قلتوق،واقعاسنگ تمام گذاشتید.بنده هم افتخاراین راپیداکردم که ازامروز به عضویت وبلاگ شما دربیایم امیدوارم حقیر رابپذیرید.باتشکراحمدی.فرهنگی قلتوقی.
قولتوخ خیلی زیباست 😂😂😂